البارحة جاني خيالك

البارحة جاني خيالك آخر الليل زاير

قمت من نومي من فرحتي أبي ألمك



تراني كنت حلمان اشوفني منك حاير

يا ليتك مثل ما شفتك شفتني في حلمك



جلسنا والناس من حد جاي وحد ساير

و أنا أبي فرصة على صدري أضمك



قمت مفزوع من نومي من القهر ثاير

هالناس حتى بحلمي ما مخليني أكلمك



حرام يا ناس حكمكم علي والله جاير

وأنت يا حبيبي تراني فاض بي لعلمك



أتعبني التفكير بين شاي وحرق سجاير

أرجوك الرحمة زينه عسى الله يسلمك



قلتي يمكن أشوفك من الفرح تميت طاير

تناثرت أفكاري قلت يا الأفكار وش يلمك



حبيبتي لو تدرين حالي كيف كان صاير

لبست غترتي بلا عقال لما طريت اسمك



الله على الشوق كيف استوت بي بصاير

مدري شيصير لو عيني تشوف رسمك