انا ام لثلاثة اطفال
بنت و ولدين
البنات الكلام القاسي يأثر عليهم بس الاولاد نادر في مرحلة مبكره
من تجربه اكبر عيالي جربت معه من البداية اني اخطها موضع مسئولية رغم انتي تزوجت بعمر 18
طلعت البنت مسئوله جدا و محافظة و طيبه و خدومه

الولد ما يتهدد هذا الكلام فهمني اياه ولدي نفسه قد ما اهدد و اضرب يصير اقوى ادركت متأخر انه رجل غصب عني ما يتهدد يتسايس زيه زي اي رجل بالغ
الرجال واجهيه مثلا سالفة الدراسه عندي نظام ما اطلبه يذاكر مستحيل ما اقول له قوم بس امر عليه اقول بكرة تجلس جنبي لا وظيفة و لا مستقبل لا تقوم خلك و الله الحين ثاني متوسط يرجع يخل واجباته بعد الدوام على طول و يذاكر من نفسه

فدام عيالك كبار بطلي تجاهلي شعورك قم عشان تنجح لا اسمعي كلام الدكتور جاسم المطوع عن المراهقين
خليه يحسس انك طفشتي منه طنشي خليه يواجه نتايج افعاله ينضرب ينضحك عليه يفشل هو لانك تدفعينه ما اعطيتيه فرصه ينلسع من سوء تدبيره لاموره
هذي حركة عندي ههههه اعتمد اسويها اذا طلبت الواحد شي و طنشني و تجاهلني متعمد ثلاث مرات اقوم اسويه
بس بالمقابل لما يصير عنده طلب مهم و يبغاه ضروري اسوي نفسي ميته امي تكفين لا لا انت ما تسمعني ليش اسمعك ليش طلبات لازم لها تم و انا لا راسي براسك



خلااااصة الهرج
المرااهق قاعد يكتشف نفسه و يقلب خياراته يشوف نفسه انه خرج من الطفولة و طبعا محيطه و المدرسة و الشارع كلها توريه زوايا اوسع من زاويتك لذلك دفعك له بقوة و اصرار يزيد عناده خليك مرنه لا تكن قاسيا فتكسر و لا لينا فتعصر

و عليك بالدعاء لهم ايااااك تدعين عليهم استغفري لهم

اسأل الله الذي فلق البحر لموسى ان يسخر لك ابنائك و يرزقك لذة برهم و لا يحرمك رضاك عليهم يا رب يا كريم