-<{ الورد ما يرمى للغنم }>-
يا هيه الورد ما يرمى للغنم
يا شين اللي ما يصون لسانه
سمعت الكلام ما نيب صنم
لكن مثلي يحترم أهل المكانه
يا ليت بجنبي قرطاس وقلم
كان ارد عليك الإهانة بالإهانه
ضرب(=======)يبعد الألم
والتعدد احسن من الخيانه
مسكين اللي بالتعدد ماحلم
ومزح الخساسه اراه إهانه
صحيح من شرك ما حد سلم
ياليت مزحك يأتي في مكانه
كف لسانك يامن لنفسه ظلم
ترى اطيب الكلام ترك اللعانه
نعم أتباها لمن قيل شاعر علم
بالصدق يحكي قصص زمانه
بنيت قافية على الهاء للأشم
اللي لمن سمع الكلام فيه زانه
ساعات ودك تكون مثل الغتم
وتتظاهر إنك حجر وأنت دانه
اوتقول للنذل خلك على شحم
لانجنبك الفنجان او الاستكانه
ابيات قالها السبيعي وما ظلم
يستغفر الله ويذكر أهل زمانه
الشاعر/ حمد بن فهد المخالدة السبيعي
حرر في: ١٨/٠٤/٢٠١٨