ما خرب عقول الحريم (( إلا الحريم ))
شوفي وانا أختك ..
من خبرتي بالحريم ومجالسهم ولااا وحده فيهم تمدح زوجها أو تظهر تعاملها الحسن والطيب معه
ومع ذلك تشوفيهم متمسكين بأزواجهم وجالسين معاهم رغم كل القصص والبلاوي اللي يقولوها
تعرفي ليه ؟؟


لأنهم (( كذابات ))
كل وحده خايفه على زوجها من البقية وتحط فيه كل بلاوي الدنيا
واذا رجعت البيت تراها تدلعه أكثر من دلعك لزوجك وتلبي له كل طلباته باحتراف وتفنن
ومع الأيام راقبيهم واسألي زوجك عن فلان مع زوجته وهل هو فعلاً خاين أو سيء وبتكتشفي قد ايش الحريم كذابااات

كل ما رحتي جمعه معهم يا تسكتي وتصكي اذنك
يا تضحكي معاهم وتألفي زيهم
لأنهم ما حيرتاحوا إلا اذا هدموا بيتك وأخذوا زوجك لبنت من عندهم
وهذا حال أغلب الحريم اذا شافوا وحده مبسوطه مع زوجها


وحالك حال أي عروس جديدة ومسكينه
مجرد ما تجلس معاهم يعطوها كلام سم
وبس تقوم يضحكوا انها صدقت ولعبوا بعقلها


خليك مع البنات اللي بسنك أفضل ، ولو قدرتي اسحبي عليهم وعلى جمعاتهم
ما منها إلا حش ووجع راس



نجي لموضوع إنك تخافي زوجك يخونك أو يتزوج
أولاً / انتي عروس ، واللي زوجها يتزوج عليها غالباً بعد ظ،ظ*-ظ،ظ¥ سنه زواج
تقل أو تكثر ..
المهم انك بعيده عن ذا الشيء ..

ثانياً / فكري اش يبغى الزوج عشان يخون أو يتزوج ؟؟
حب واهتمام وست بيت هذا باختصار
طالما انك توفريها له ما راح يفكر بغيرك
وسوالف الرجال تبقى سوالف بينهم وهياط لا أكثر

ولو فرضنا بيوم من الأيام فكر زوجك وتزوج فعلاً
ترا زواجه الثاني مكسب لك وانتي مو حاسه
ترتاحي من متطلباته اغلب الأيام
وتهتمي بنفسك أكثر
وهو اللي بيكرف لبيتين وبيتشتت كل مره ينام بمكان
بينما انتي مستقره ومرتاحه عالآخر
وحبك بقلبه ما يتغير أبداً بالعكس يزيد اذا شاف قصور من ذيك
ومستحيل حتفهمه وتعرف له زيك لأنك الأساس
فمهما راح يرجع لك ويرتاح معاك


هذا اللي عندي والله يسخرك لزوجك ويسخره لك