طيب طالما انتي عارفة مشكلتك و لاقية تعب فيها ليه ما تقللين من سقف طموحك ؟
بدل ما تبحثين عن الانجاز دفعة وحدة

اجعليه درجات
اصعدي حبة حبة
رتبي أولوياتك

المهم و الأهم


لأن مو كل شي يجي دفعة وحدة
و مو كل شي توصلين له بخطوة

لا كل شي يحتاج خطوات و خطوات
مراحل و دفعات

انتي ركزي عالحاجات القريبة .. اللي ممكن توصلك لطموحك
مثلاً " اجتهادي في الدراسة حالياً كوني طالبة "

"اركز في دراستي فقط و واجباتي المفروضة علي بالبيت"
تخلصين الدراسة اتجهي الان للمجال الثاني اللي حابة تكونينه

حابة تحفظين القرآن احفظي و ركزي عالقرآن
خلصتي القرآن شوفي الهدف التالي اللي حابته

اما تاخذين الاشياء دفعة وحدة و تربكين نفسك و حياتك لدرجة الطفش
لا تحملين نفسك فوق طاقتها

اضيف حاجة أخيرة
لا تحاولين تطلعين عن طبيعتك
ما في اجمل انك تتعاملين مع الكل بطبيعتك و عفويتك
اتركي طبيعتك تقودك

الواحدمتى يحتاج يغير من نفسه
اذا عنده سلبيات فقط
اما اذا ما عندك سلبيات خليك كما انتي
و افهمي انه ما لازم اكون واو فوق اللازم

يكفي اكون مقبولة و مرضية و ما اقصر
يكفي احترم الاخرين
يكفي ما اضر احد

خليك عفوية لكن خلوقة و محترمة هذا كافي
كافي جداً و مريح جداً و مرضي جداً

ربي يسعدك