يابنت انا شفت الغنادير الكلاس
ماحركو فيني من الوجد ذره
وام النهود الي تقلك كمان ياس
وعلومها تاصل لاخر مجره
واهل العيون الزرق والخضر نعاس
واهل الخدود البيض والسر بره
والى تخلي العقل في الحال ينحاس
والى تخلي القلب تاخذه حره
ما اجملك ياأم العبايه على الراس
بنت الرجل تعرف مكانه ومقره
ام الدلال اللى تهيل ومهراس
وام الكفوف الي تشيلك مبره
اعمادها الاخلاق والطيب هو ساس
ماتقرب الزلات بخطوه وجره
يضرب بها الامثال وقد قالت الناس
هي بنت صقارن وهي بيت حره
اخوالها بالجود هم مثل نبراس
وجدودها مثل البروق المشره
والمهره الحره تنجب لك افراس
والذيب في سود الليالي مكره
لا تحسب انه براسي جنن ووسواس
والله ذيك اللى تخليك قره