لا ضاق وقتي علي و ضاقت سنيني
سجدت للي مقاديري ... مسخرها !

يا رب يا معبود فيني اللي مكفيني
وإنت الوحيد اللي كسراتي تجبرها

ليت الجروح ؛— تموت و تندفن فيني
أبرك من اللي ... تجيه " وما يقدرها "

ما عدت أعرف أصحابي من عدويني
ساعة تطيح الأقنعة ينكشف ساترها

يا كم زرعت طيوفهم في بساتيني
وأظل أراقب الغيمه لا حل ماطرها

يا خطوتي على أي درب وديني
أبي أشوف طعونهم وشهي آخرها

كني غريقٍ و صوت الفرقا يدعيني
في ليلة اختفى فيها حتى قمرها

والصاحب اللي ما توقعته يُجافيني
هو نفسه اللي طعناته لي ذاخرها

لا واحسايف ناس رفعتهم بعيني
اليوم صاروا بوجهي ترفع مناخرها

وين الصدر اللي ليا ضقت يحويني
غديت كني قصيدة مات شاعرها