بسم الله الرحمن الرحيم
السلام عليكم ورحمة الله وبركاته
امسي على الجميع واسأل الله أن يسقيكم كأس السعادة دائما
بداية اعتذر عن الغياب ولا تواخذوني الله يطول بأعماركم في طاعته
فيه قصيدة كتبتها وحبيت انها تكون هنا بالمنتدى .. وهذي هي..
صابني سهم الفراق وانتصى وسط جوفي
واندلع همّ البعاد بين ليـلــة وعـــشيـــــــة
جيت اهوجس بالــندامة والمراود هو خوفي
وانـــســدل جنح الــظلام بــالليلــة الأولـية
كنت ويـاها خوي وصــاحب وشخص شغوف
وتـــغــير الــحـال كــلّــه بأشــياء(ن) خـارجية
قلبي وقلبه مجتمع مثل السعادة في وصوفي
وتفرقت فجأة وصارت تردّ مني كل عطــيّة
كنت أرميها ببــسمة عابرة ووجه عطـــوف.
وتردّهـــا بحنان قلب(ن) يحيي الرووح فيـّـة
علتي يـــوم اني اضحك في وجوه اللي اشوف
ضحكتي تطعن بصدري والعواذل سامريّة
ما دريت انه بيوم طيبتي تقابل سيوف
تــنـغـز الــروح الــيـن مــا تـبـليها بلـية
صابر وأجري على رب(ن) رحمان رؤوف
وضاعت احروفي ونالت من نصيب الابجدية
إن كان ما تبغيني بحياتك فتذكري خيري وشوفي
يمكن تلاقين خيره ترجّعك عندي شويّة
اختالت الآهات فيني ودمّرت حتى ظروفي
والسهر يا ويل عيني دمّر عيوني سويّة
شايل همّي بديّه شايله والله بكفوفي
أمنية وياربي تحقق قبل اتوافيني المنية
إنها تبقى بسعادة ولو تنزع من جوفي
أحبها وربي ولكن البعد تبغاه هيّه
بالنسبة لي طاري البعاد اذكروه وقولي توفّي
والعمر حدّه فراقه والدنيا ما تبقى حيّة
بس تكفين قبل اختم اقبلي مني حروفي
آسف وآسف وآسف آسف وآسف وميّة
وسلامتكم
بقلمي ..
واسأل الله انه يجمعني بكم في جناته ..
شاكر لكم