 |  | |  |
| انا من ذوي الاعاقه تعبت من المجتمع صاير كريه لنظرتهم لنا كل يوم ازداد قوه صريح جدا البعض يراها وقاحه بس جد الي بقلبي على لساني بذكر لكم قصتي وتعرفون بتفهمون المشكله الي بوصلها لكم لما كنت بالمتوسط كانو المجتمع يتنمر علينا لا اعمامي ولا اقاربي الي يقلد مشيتي والي يسخر علي فكنت متحمل وساكت وصابر ولايفوتكم اخر الليل كانت دموعي مليئه عالوساده كان كل ليله لازم ابكي مستحيل يعدي يوم ماتنزل دموعي كنت اواجه اشد القسوه من المجتمع واكثر شي يتعبني لما تصير من اقاربي صاير اكرهم وموقادر انسى موقافهم اتجاهي لدرجة العيد الي كل طفل يفرح فيه ماكنت افرح البعض من اعمامي يتجاهلني بالسلام مايسلم كنت اضغط عالنفسي واسلم يتجاهلني وكان البعض من اعمامي تخيلو قوة القساوه يعامل اولاد اخونه غير معاملته لي كنت افكر اني سويت شي غلط بس طلع السبب اني معاق المهم صرت انعزل عن العالم لمدة 6 شهور لامناسبات ولا اعياد وكنت مره متضايق وافكر بالانتحار لدرجة حاولة انتحر وفشلت محاولتي طبعا تعرفت على شخص وكنت افضفض له وصار يعطيني كلام لدافع قوه اهملت دراستي وكل شي لان مافي مدرسه تقبلني كلها درج وتعرفو المدارس زمان كانت عباره عن بيوت وتتاجر تحملت الوضع لحد مره صرت اراجع نفسي بخصوص الدراسه واصلت وكملت وخلصتها بعد فترة انقطاعي عن العالم صرت احضر مناسبات وشخصيتي تغيرت 180 درجه صرت اذا احد اساء لي رديت عليه لحد ماسكته واذا شفت شخص تجاهلني بالسلام احرجته قدام المجلس فصارو يحسبولي الف حساب لان خايفين احرجهم قدام الناس لان جد ماقدرت اتحمل واي احد يسئ لي كنت ارد عليه لدرجة اسكته وصارت كلمة يامعاق وربي معاد تهمني جاني تبلد من كثر مايقولوها اذا احد قالها لي كنت ارد عليه ماعندك غيرها ابي شي جديد الحمدلله عقولتك معاق جسد ولا متخلف عقل تصلي لله وتنتقد خلقه فعلا انت متخلف عقليا فكان لساني بالعاميه طويل مادري ليش انا كذا بس جد تحملت لحد مانفجرت حاليا اقاربي ماهتم لهم صاير مره ماحترمهم واسيئ لهم بالكلام واحرجهم في اي مناسبه او مجلس لحد يعانون الي انا عانيتهم منهم
الي عانيته من اقاربي ابوي الله يطول عمره تفاجاء من اسلوبي والتغيير وكان اذا رديت على اقاربي يبتسم ابوي كان عارف اخوانه واسلوبهم وساكت مره قالي ذولا اعمامك عيب وجماعتك كنت اقوله يابوي تدري وش الي كاسر ظهري انهم اخوانك مابيهم يحترموني عشان اعاقتي ابيهم يحترموني عشانك انت اخوهم طبعا للي يقول كون لك اصحاب انا عندي اصحاب اصغر من عمري ب 5 سنوات تقريبا اصحابي الي ايام دراستي لما عرفو اني معاق ماعاد يكلموني وربي اسلوبي ماتغير عليهم كنت متمسك فيهم لدرجة اذا مرو من قدامي مايسلمو علي يدقو بوري هههه شي يضحك وبنفس يبكي لا واحد منهم شاف صورتي عالواتس بالكرسي بلكني ترا وربي من الصعب تتحمل ضغط المجتمع عليك وانت في اسواء ظروفك والا واش اتكلم فيه بعد اقولكم البنت الي كان نفسي فيها رفضو يزوجوني لها بسبب اعاقتي ترا احنا نعاني كثيييير فوق كذا متحملين احس اوقات ان احنا جابرين انفسنا عالمجتمع انا بعد كل الكلام الي كتبته صار مايهمني الا ارضي ربي ثم امي وابوي وصلاتي واخواني والباقي ماشوفه شي لاتلوموني على ردة فعلي لانها جت من قسوة مجتمع هل تشوفون اني غلط او لا | |
 | |  |
أجمل قرار اتخذته
لو صادفت شخص يحترمك و يعاملك بإنسانية و بالدين
ذاك الوقت احترم هالانسان و قدره و عامله مثل معاملته لك و اتخذه صديق
كل واحد عامله بمعاملته لك
الله يصلح هالمجتمع المعاق البعيد عن اخلاق الدين
و اللي يقهر انه مجتمع يصلي ..!
الله يوفقك يا رب و يعوضك خير عن كل ما فاتك و كل ما سبب لك أذى