تهوي من اعلى قمتك لكن حشا ما انت بذليل
لانك الوحيد اللي عكس معنى السقوط بهاويه
شف كيف تحيا من بعدما كنت شبه المستحيل
تاقف ويعليك السمو من تحت شمس ٍ كاويه
تدري احسدك يا نخل يا ليت لي قلب ٍ بديل
يدرك معاني وقفتك ويعن روح ٍ ذاويه
كم لي وانا اشوفك ولا حصلت للشوفه حصيل
لاني بشر خلقه ضعيف وكل هم ٍ لاويه
الله واكبر كم نكرت الغدر وبيّدي الدليل
كانت عيوني من الغلا عميا ولاهي قاويه
تنظر جروحي واجتنب هم ٍ على صدري ثقيل
زود ٍ عليها هالزمن مدري وش اللي ناويه
شفني وصلت لمنتهى خطوه تعدت ألف ميل
واليوم يا ( محمد ) غدت كل الطرق متساويه
وطاح الكثير من الغلا ولا بقى حتى القليل
من يوم صارت راوية هالعين ماهي راويه !