من خذاك الوقت عني ما بغيته
وقفت ساعات عمري والثواني
والطريق اللي لأجل عينك سريته
يشهدون أهله و تشهده المباني
وعمري اللي ضاع في قلبك لقيته
كيف لامن غبت أبلقى عمر ثاني
لا تخليني مع لو و يا ليته
الأماني في يدك لأنك أماني
صرت أخاف الليل لامني بديته
من بعد ما كان لي خامس أخواني
ومن بعد ما كانت أشكيله شكيته
آه يا قلبي و يا قسوة حناني
مابقى لي أنت كل شئٍ خذيته
غير شعري و أنكساري بالأغاني
و غير طيفٍ كل ما جاني بكيته
من بيعطيني حنان و من بكاني
من بيسألني علاجك ماكليته
من بيداريني و يقول أكله عشاني
آه يا محلى الزمان اللي مظيته
كان أحلى ما مضالي في زماني