منتديات مسك الغلا | al2la.com - عرض مشاركة واحدة

**آياز !** · 01-05-20, 01:23 PM

:

ذيب عوى في خافقي ساكن فيه
ينهش بجوفي مستحل الضلـــــوعي
.
.
ما يعرف الرحمه ولا القلب جافيه
يضحك اذا نرفزت حاله يلـــوعي
.
.
يشوف نفسه والكبر حيل زاهيه
وان شأنت ظروف الليالي جزوعي
.
.
ينفخ بوجهي والتعب فيه مشقيه
لا جيت أزعل حن قلبي خضوعي
.
.
يا ذيب انا بعطيك ذا صك تنبيه ..!
لازم تغير خشتك والطبــوعي
.
.
مليت انا مكثرة الضيـق والتيـه
مكفيني ايام الزمان القطـوعي
.
.
قلي وش اللي زايدن فيــك نغلـيه
وش رافع خشمك عساه الجدوعي
.
.
يا المفتري لا تنفش الريش بانيـــه
لا تجحد ايــام الغــرام القبـــوعي
.
.
اللي خلق شرواك بالطيب كاسيه
مهو بعاجز يرجعك لي ركوعي
.
.
يا صاحبي من عقبك الحال نرثيه
بعد الرخاء يا ذيب وضعك يروعي
.
.
خــذها نصيحه يا صديق نوافـيه
من يرفس النعمــة بلاها يجـــوعي
.
.
بيني وبينك ورد بالصـدق نرويــه
هذا كلام صار عند النزوعي
.
.
اخلصت لك وأنت على الوعد راعيه
أبطيت عني واذرف(ن) لك دموعي
.
.
أمزح ولا به شي بالكون يفديه
دامه ملكني والغلا له شفوعي
..

قلم الـ آياز