♤ - { لا ماكل عاصف قاصف } - ♡
حي اللي اشوفها بهيج الروح بالحيل
مسكنها القلب ما حد بالنظر حصدها
سراج وهاج بالنهار نور اللألئ بالليل
هي حياة الروح ماحد غيري قصدها
سلام عد قطر المطر و دعقت السيل
واعداد كتب ماغير ربي يعرف عدها
أنا اشهد إنها الأصيلة تعداها الميل
وتعرف الأصول ما تعدى على حدها
عندها نظافة القلب اساس الكيل
في الشدائد ماتعرف هزلها من جدها
خيال الحب اشد من خيال الخيل
صفوة الخلق قال غارت.. من قدها
محيطات تتلاطم امواجها تهز الشيل
إلى ابحر النادر يعرف جزرها ومدها
لا ماكل عاصف قاصف وشديد النيل
مثل بعض السحب ما تسمع رعدها
يا هيه هونها تراني ما أرضى بالعيل
مثل بحر أمواجه تلاطم صعب ردها
ترى الدلة الصفراء مازانها بهار الهيل
ولا المسمار زانها منه بيده لكم مدها
يد سمح المحيا ما هوب هزاز الذيل
ماكفاه نون وسبع غسلات لمن شدها
رمز العذاريب ما أحترم مقدم الحيل
ليته سكت ولا قال كلمة كثير نشدها
الهرج واجد ياواقف على سكة الريل
صلوا على اللي يده ماصافحت يدها
الشاعر/ حمد بن فهد المخالدة السبيعي