عرض مشاركة واحدة
قديم 01-17-13, 09:05 AM   #1
صياد واحب اصطاد

الصورة الرمزية صياد واحب اصطاد
شهيد قعيد أحيا أمة

آخر زيارة »  12-20-14 (06:31 PM)

 الأوسمة و جوائز

افتراضي نصيحـــــــــــــة



[frame="8 98"]

يارجل ياللي مذهب الجود مذهبك
0000000 مجدا يفوتك مستحيل رجوعه

أنته جمل ون طحت كثرت مصايبك
00000 كثرت سكاكين الجمل مع فزوعه

حاسب ضميرك قبل وقتك يحاسبك
000000 في ليل اظلم ممرحين هجوعه

خيرك من الله والقشر من سبايبك
000000 كل على ماقيل يحصد زروعه

والمجد قمة ضلع مرقاة يتعبك
00000 ماهو ب سلمة تشتريها قطوعه

لازم تحصل موعظه من تجاربك
000000 مادام نفسك للمعالي طموعه

طيبك لنفسك ثم لربعك واقاربك
00000 ومن لانفع نفسه ماينفع ربوعه

وليا نكبت الناس بالطيب تنكبك
0000 لاتنجرف خلف النفوس الدنوعه

كرم من النذال دقنك وشاربك
000000 لاتقرب الزقوم روسه وقوعه

هذا زمان لاتلاينك يذهبك
00 يعصي على طوعك وترضى بطوعه

خلك قوي دون حقك وصايبك
0000 والذل وزعه ولاحداً مات شوعه

اما غلبت الامر لابد يغلبك
000 يخلف سنعك اللي تبي عن سنوعه

لكن فتح وانتبه وش يحلبك
000000 والباب ميّز قبل تدخل طلوعه

اعرف ترى بعض العرب لو يصاحبك
0000 يبور في صحبتك في اول اسبوعه

يضحك لك الليله وبكره يبور بك
0000 يزرع لك الشوك ويغطي فروعه

احذر تقارب مثل هذا ويقربك
00000 ماهوب لانوعك ولاانته بنوعه

واحذر من الحمق فا لانشاب ينشبك
000000 يمكن يضرك قبل تلقى نفوعه

يرضيك في لحظة بسيطه ويغضبك
00000 ياشين طبعه جعل بقعا تصوعه

واحذر تناسب واحد مايناسبك
000000 خبل قصيره فالمواجيب بوعه

ولي بليت بذاك والله بلاه ابك
00000 تلقى عيالك طبعهم من طبوعه

يهفون مقدارك ويهفون واجبك
000000 وتصير بيت طافيات شموعه

واحذر من النّمّام يدخل مكاتبك
000000 تراه للاسرار يرخي سموعه

ون شاف فيك العيب زود معايبك
00 واعلن قبل كشف الحدث عن وقوعه

واحذر على العالات تتعب ركايبك
00000 لامروي ضامي ولابعدت جوعه

اعرف مقاصيدك وحدد مطالبك
00000 واكرم لوجه الله بنفس قنوعه

اصل الكرم ماهو نفاق ولاحبك
00000 تستخدمه كل اليدين الطموعه

غريزة فلي ليا جيت يعجبك
0000000 اللي لضيفانه يملي متوعه

ياطيب حظك كان هذا مع**ك
0000 ماهوب خبل دوب نفسه قدوعه

واحذر ترى مامر بغيرك يمر بك
0000000 كل يغفله الزمان ويروعه

لاتضحك بغرّات غيرك تصير بك
000 تضحك من المبتلى وتاقع وقوعه


[/frame]