*
*
لو الدروب اتمالك خطوة الماشين
ماكان كل الدروب تطول باللي سرا
وما كنت أنا أضيع من قبل أتمعنك وين
وما كنت أذبح كرامة لكل طاري طرا
من الجهرا رحت تعصفني هبوب الحنين
الين كل الحنين يهب من الجهرا
حبيبتي اذكري الرحمن لا تقنطين
من رحمة الله هو محيي و منجي الورا
مانيب ألوم السنين اللي يلوم السنين
يلوم رب العباد بعزته ما درا
العسر يقفاه لين العسر يقفاه لين
وبشر الصابرين إن المفازة ترا
بالصبر يامن حببت وأطلبك نصف دين
ماهو محبة رفث ولا قصيد شعرا
الا انتي منهو يحبك حبك بفرض عين
يا أجمل قدر في حياته من دخلتي جرا
من أربعين الشبه ما أشاهد الأربعين
ماهو يتكلم ولا يسمع ولاهو يرا
ما للسعد غير لا ناظر بهذا الجبين
بشوف للمجد سيرة تكتب وتنقرا