{كلمتنا وحده واللي مايبينا مانبيه}
سرك يا مخلوق للخلق أبد لا تبديه
وإن ضاق به صدرك أبديه للخالق
عمي البصر يعرف الدرب ثم يجيه
وعمي البصيرة تلقاه بالدرب عالق
هاذي إشارة واظن إن الحر تكفيه
وغيره ما يفهم كلمة طالق و طالق
احد روحك قبل قلبك غصب تهديه
وحد تدعي عليه وتمنى يفلقه فالق
العذر والسموحة لمن بالروح نفديه
شاعر يهز المشاعر لاحلاق ولاحالق
كلمتنا وحده واللي ما يبينا ما نبيه
اسير في الدرب العدل واترك الزالق
الخطأ واردخطأ وما كل مرة نعديه
وخطأ دون خطأ لا خطايا بها تمالق
للشيطان حضره بيدخل لا لا تخليه
وهيهات يدخل من بيبان لها مغالق
غلق الباب وعدوك الفرصة لاتعطيه
ترى الهرج كالبيض له قالي و سالق
وختامها صلوات على النبي ترضيه
صلو على محمد صلى عليه الخالق
الشاعر/ حمد بن فهد المخالدة السبيعي