اليك مني سلام ................... وتحية
يا نور عيني يالغلا .............. يالعذية
طال انتظارك وانتظارك ...... . قضية
والله تدرين ولا ظن ............. تدرين
تنام ليلك وانا ليلي ............. سهيري
طول غيابك واصبح حالي ... خطيري
ما تدري انك شيخ قلبي ....... واميري
يا روح روحي انت ومغيزل ..... العين
حاول تراجع عن قرارك ......... معايه
وتلطف بحالي بالوفاء ........ والرعاية
وشلون تنسى مثل ذيك ........ البداية
اللي اجمعتنا يا عذاب ........ المزايين
الله يرحم من رحم من ........... يحبه
يكتب له الجنة ربي ...... ......... وربه
ويجزاه خير عن علاجي ...... . وطبه
ترى المروفة يا حبيبي من ...... الدين
والدين وصى تعتني في ....... حبيبك
حبيبك اللي ما طرا له ......... يسيبك
لو عزتي الدنيا يعطيك ... ويعتني بك
ولو قلتي هات العين عطاكم ... العين
بس ارجعي لي ارجوك بس ارجعي لي
والله طاح الحيل عقبكم ....... وويلي
انت الحياة وعيشتي ........ والخليلي
اموت من بين الناس والناس ... حيين
ارسل رسالة طمنييني .......... حياتي
انت حياتي يعلم الله .......... وغناتي
ارحم حبيب عقبكم بس ........ يهاتي
ارسل رسالة لاجل .... . خلك وتطمين
القارظ العنزي