عرض مشاركة واحدة
قديم 02-10-20, 05:00 PM   #1
القارظ العنزي

الصورة الرمزية القارظ العنزي

آخر زيارة »  03-13-24 (07:13 PM)

 الأوسمة و جوائز

افتراضي ((صفقوني صفقة القرن المحال))



لا تلوم القلب لو روح ....... شمال
عاف داره والنفوس .... الموحشة
لا تلومه واتركه يا بن ..... الحلال
الحكاية جد ما هي ........ دردشة
ادفنوني حي واسمع .... يا رجال
حتى عظامي عرمشوها . عرمشة
ما نستسلم والهقاوي .... كالجبال
راسيات والردي ......... ما نفتشه
صفقوني صفقة القرن ... المحال
واليهودي يحسب اني ... ملطشة
ما دري بي حاضر وقت ... النزال
ان وصلني والا جيته .... واكرشه
بيت المقدس ما نبيعه ... بالريال
ما نبيعة لو تطول ...... الغشغشة
فدوة له نفسنا وعم ...... وخوال
واليهودي لو تطاول ........ نبرشه
وصلوها لليهودي ......... يالرجال
لا يبلشنا ويستفز .......... ونبلشه
وصلوها للي هباله ........ كالرمال
ابو فنكا قبل يغرش ....... نغرشه
وصلوها للحلا زين ......... الدلال
تنصح كشنر لا يتورط .... نلطشه
وصلوها للي يدعون ...... بضلال
للي عنده بالعقيدة ....... وشوشة
المصيبة لحظة القبر ....... الهيال
وش جوابك يا رفيقي .. يانجشة
وش جوابك وش جوابك للسؤال
مع نكير الفاس ومنكر .. مجرشة
قبل يومك تلعنه يابن .... الحلال
وقبل موتك نبش قبرك ..... نبشه
واحفظ ربك احفظه رب.. الجلال
احفظه وقت الرخاء ... والفرفشة
هو كفيلك كان وقتك فيك .. مال
كانه مال وخربشتك .... الخربشة
تلقى فضله دايم فيء .... وظلال
ما يصيبك العطش . والخشخشة
واللي غرب واغترب نسي النضال
واشترى له بالعقيدة ..... مشمشة
ما تفيده شروته خسر .... الحلال
يا كل سحته ورب عجل . يبطشه
وصلاة الله ربنا رب ....... الكمال
على الهادي هو شفيع .. المعطشة

القارظ العنزي