؛،
*
أكتب شعر عشاني أحب الشعر
ماهو عشان المغريات أو البنات
بكرة اليا من مت يحضني قبر
ولا يبقى إلا الباقيات الصالحات
اللي توردني على ذاك المقر
اللي بها الأنهار من كل الجهات
نهر لبن نهر عسل نهر خمر
والفضل لله به قطوفٍ دانيات
الحمدلله والثنا له والشكر
اللي ليا من بت عينه ما تبات
من عزني في جاه وعطاني قدر
يشملني بلطفه و عفوه والثبات
ماهو بماخذني وأنا ناقص عمر
الا بيعطيني حياتي فالحياة
وإن كانت الدمعة على خدي تمر
بكرة تمر البسمة وتبهج شفاة
حبيبتي في الله لله الأمر ..
تعبت أجلد لك شعوري جلد ذات
بلملم شتاتي لما بعد الصبر
فرج يلملم ما بقى لي من شتات
يصدق دعاي اللي صدف ليلة قدر
من بعد تسبيحة سجودي فالصلاة
ببقى أحبك حب ما أحبه بشر
ماهو محبة كذب والا مراسلات
علقت حبك داخل جدار الصدر
يا أجمل من يكمل ثمان معلقات
*
،؛