☆{ يا عين عن الدمع كفي كفي }☆
آه والله مالوم عين من الدمع غرقا
ولا ألوم منه بكاء من حر الفرقا
احيانا الدمعة الحمراء تسبق الزرقا
والشكوى لغير الله أراها مذله مذله
وتكفين يا عين عن الدمع كفي كفي
وحمل الزايد على القلب خفي خفي
لملمي الجروح ولنفسي ضفي ضفي
سبقك القلب وخافي الدمع هله هله
وين اللي أداريه ويداريني يداريني
إلى سرت أباريه ويباريني يباريني
لياقلت اجاريه ويجاريني يجاريني
اقول عنه ورد بستان قلبي فله فله
ياأبو خالد الحظ لاتزينت شان شان
وإلى من تشاينت الحظ لك زان زان
بين الشين والزين لعبة خوان خوان
تكفى لا لقيت الحل أرسله حله حله
ألا ياعين خلي السر مدفون مدفون
لاتحزني ياعين لصار معلون معلون
ماكل المحبين مثلك يوفون يوفون
باب قلبي مفتوح وحبيبه يدله يدله
الشاعر/ حمد بن فهد المخالدة السبيعي