طابت أوقاتكم
من الأرشيف
كما كانت أتت هنا
بلا تدخّلات أيدلوجيّه..
أتمنّاها ترتقي للذائقه ..
بكيت شمس وشمس ماشافت بكاي
يوم الوداع ب طرقته /.. يبتديني
وودّعت شمس ولابقى من بقاياي
الاّ حطامً بعثر الصمت /.. فيني
يوم الوداع تقول/ اذا همّك ارضاي
لاتنشغل فيني .... ولاتحتريني
أفرح وصبّ الحزن مع جملة الناي
وأضحك ترى ضحكك فرح يحتويني
ووقّفت تايه فكر والصمت مرساي
أبى أتكلّم .... والقلق يعتريني
قلت ويديني تستر ادموع مبداي
يالله فمان الله ( والله عويني )
مافادني شعري وصبري وذكراي
ولاعاضني كثر التعب في سنيني
بكيت شمس ( وشمس) لو شافت ابكاي
أظنّها ياتنتحر ؟؟ ياتجيني !!!!!!!!!!!!
راشد مقبل ،،