ابيات بسيطة كتبتها في والدتي وعندما قلتها لها

فرحت فرح شديد ودعت لي دعوات طيبة

اسأل الله ان يحفظ امهاتنا جميعا وان يغفر لمن مات منهن

هذي القصيدة قلتها لجل أمي
ياجعلني فدوه لها هالحبيبه

تسري محبتها وبعروق دمي
هيه لمجروح المشاعر طبيبه

يامن خذيتي بدنيتي كل همي
ويامن تهون كربتي في المصيبه

لا منها نادت انا اقول سمي
واللي تبي مني البي واجيبه

ماكان يرضيها من الناس ذمي
تقول هذا له محبه عجيبه

حبيبتي لو مرت اليوم لمي
ابوس رجليها محبه وطيبه

كتبت فيها اجمل ابيات نضمي
والشعر فيها قام يشعر بهيبه

دايم تراعيني وبدلالي تهمي
برغم اني صرت في العمر شيبه