يالله يا جابر ....... المكسور
تجبر كسوري ..... وتنجدني
وقت غشانا ملانا ...... جور
الجور والظلم ...... مجهدني
اسباب من غيضهم . مخبور
واللي نسيني ...... ويلهدني
كني سجين بقاع .... ابحور
والا الكرونا .......... تهددني
من شافني يعتقد . مسحور
ما يدري انا البلا ..... خدني
خدني من اللي سكن بالغور
ونا مسكاني على ..... وذني
متوسد كفي ........ ومقهور
ما غير همومي . . تسهدني
عزاه يا حظي ....... المثبور
ما من عشير ...... يواسدني
من غابت اللي تبز .... الحور
ما يوم جتني ....... تعاندني
تفرح الياجيت ..... انا للدور
فرحة صغير ........ توددني
مسرورة بيه وانا ... مسرور
يسعدها ربي ..... وتسعدني
ابا اتصبر على ...... المقدور
ما دام حظي ....... معاندني
اللي انكتب . بالقدر مسطور
باللوح عند اللي ... أوجدني
مجبور انا بالقدر .... مجبور
ربي قضى لي ..... وحددني
يا رب يا مشفي ... المضرور
يا خالق الكون ...... سددني
يا خالق سهولها ...... والقور
يا مبعد الرزق ...... يا مدني
تلطف بعبدك تجعل له نور
يا قايل اعطيك .. واحمدني
احمدك يا ناصر .... المنصور
ياللي بافضالك .... مزودني
القارظ العنزي