حياتي هيدا منو عيب!
هيدا رزق من رب العالمين كتبلو اياه .. يعني الحمدلله عندك بيت وعندك بيبي وزوج طيب وحنون
كل هالنعم ماشفتيها وشفتي انو وضعو ع ادو فـ صار عيب!
بالعكس الله يعطيه العافيـة .. المصاري مش كل شي

وماتطلبي شي من اهلك كرمال مايعايروه بعدين وتصغري زوجك بنظرن
اذا معك شهادة وقادرة تشتغلي فـ اشتغلي وساعديه مش غلط

بس معليه تحمليني شوي .. هيدا تاني موضوع بقراه الك هون
ماغير تنشكي وعم تزني والخ .. مش حلوة هالصفة .. ماحلوة المرة النكدية اللي مو عاجبا شي
مرة عندي بيبي وهالكني .. ومرة البيت متعبني وهيدا انتوا 3 اشخاص بس
ومرة بدي بيت ملك .. وبكرة بصير بدك سيارة مابعرف اي موديل ..

انو كل وقتك طلبات طلبات او شكاوى مَشِي عاجبك من حياتكم
ليكي الزواج منو توقيع عقد ولبس فستان ابيض وحفلة ابو ساعتين وخلص
هيدا مسؤوليـة وانك تكوني زوجة وام بدا صبر وطولة بال واهم شي الابتسامة والرضى
زوجك طيب ع قولتك فـ ماتخسريه .. ومابتوقع راح يكون مبسوط لما يشوفك هيك عم تكتبي ..

استهدي بالله واحمديه ع النعمـة اللي انتي فيها
الله يهدي بالك ويسخرك لبيتك وزوجك ويفرجها عليكم


.
.