موضوع جدا روعه وراق لي محتواه ولك الاجابه عليه من وجهة نظري

- هل بطبعكَ تنتظر أن يبادرك هو بإنهاء سبب الخلاف فتنتهي هذه المقاطعة؟

بصراحه ايه خصوصا في حالة هو الغلطان في حقي ، انت غلطان بحقي تجي تتكلم معي
وتبرر لي ليش عملت كذا، وانا بعدها اقرر يا اكتفى من الموقف واستمر في المقاطعه ،
يا اقبل العذر واسامح ونرجع مع بعض بدون خلاف ولكن ، فعليا انا انسانه ما انسى ان
هالشخص جرحي في يوم حتي لو اني سامحته[ اسامحك ايوه ولكن انسى جرحك لا ]

- هل عالأغلب الهدف من المقاطعة التهذيب والتأديب أم هي مقاطعة قد تكون أبدية بغض النظر عن نتيجتها؟

من وجهة نظري ، تهذيب وتأديب، الان الاخطاء المتكرره ، تولد عندك برود للعلاقه نفسها
تخلي عندك اعتقاد بان هالشخص لا يستكثر بالغلط عليك، وبيقعد في كل مره
يغلط ويجي يعتذر وانت تسامح، ويغلط ويجي يعتذر وانت تسامح، نهائيا ماينفع
الشخص اللى يغلط كذا مره ونفس الغلط في حقك وتربطك بينه وبينك علاقه قويه
تاكد انك ماتهمه ولا يهمه اذا جرحك او لا، وعنده دايم ثقه بانه في كل مره يغلط عليك
انك بتسامحه، اكسره من ثاني غلط واسحب نفسك.

- ممكن نعتبر المقاطعة بين شخصين هي نتيجة طبيعية لخلاف لا حلّ له؟

المقاطعه بالنسبه لي اخر حل ممكن الجي له خصوصا، مع الشخص اللى
قريب من قلبي جدا، في كل مره يصدر خلاف بيني وبين احد احبه، ابتعد واسكت
واصمت لمدة يومين، مو عشان ان الموضوع مايهمني لا، عشان انا اعرف نفسي لو نطقت
وانا في قمة غضبي بانطق بشي ينهى كل شي من الاخر بدون رجعه، فـ اشوف المقاطعه المؤقته
في وقت الخصام، حل لجميع المشاكل، وتعطيك فرصه انك ما تتخذ قرار تندم عليه بعد فتره ،
ومافيه مشكله او خلاف ماله حل، استخدام العقل في وقت هدؤء وروقان يحل كل شي
وبس هذا رايي، وتقبل مروري
واسفه جدا على الاطاله