من الي وده يدخل صراعات ومشاكل مع احد ؟!
طبعا ما فيه احد .. إلا المقرود !
لكن بعض المواقف تتطلب منا بل " تجبرنا " على الرد والتدخل المباشر والسريع والفتاك في آن واحد
الظلم ما احد يرضاه آبدا ، والساكت عن الحق شيطان اخرس
اضرب لك مثال عندنا في الحي صيدلية اشتريت منها فيامين" ب " واخذ مني ضريبة 5 % بعدين اكتشفت ان الفيتامينات اساسا ماعليها ضريبة
بلعتها وعديتها ولا طالبته بشيء ونسيت السالفة
وبعد مدة طويلة رحت البارحه واشتريت من نفس الصيدلية اوميقا 3 زيت مستخلص من السمك اعتقد الكل يعرفه ب 120 ريال طبعا اخذ مني ضريبة 15 % بمجموع 138 ريال بزيادة بحدود 18 ريال
وانا بطريقي للبيت تذكرت موقفي السابق معه يوم اشتريت الفيتامين واخذ زيادة على السعر
قلت والله ما اعديها المره هذي رجعت للصيدلية ورميت علبة الأوميقا 3 بوجهه واسترديت فلوسي ، ما حبيت اطول السالفة واكلم على البلدية او وزارة التجارة لأني كنت مستعجل
واشتريته من صيدليه ثانية ب 120 ريال
برضوه سألت الصيدلي هل على الأوميقا 3 ضريبة مضافة جاوب وقال لي بالحرف الواحد الأدويه بعمومها والفيتامينات ما عليها ضريبة مضافة عدا
العلاجات العشبية هي الي عليها ضريبة
وانا حبيت اضرب لك هذا المثال للعبرة والعضة
احيانا تجبرنا الظروف على الرد واخذ الحق من بعض الأشخاص ضعاف النفوس