السلام عليكم ..
عندي موضوع موترني حيل وطول الوقت افكر فيه وشايله همه
تقدم لي شخص وطبعا خلصنه كل شي لكن باجي " فحص الزواج" والخطبة الرسمية بعدين لمن تطلع النتايج النهائية ..
طبعا انا ابيه وهو مثل شي بس باجي هالتحاليل والحين ابي اعرف شنو يشمل التحليل؟؟ بضبط؟؟ وكيف فكرته يعني؟
الامراض المعدية والجنسية الي تنتقل بالدم
وفحص الفصيلة و فقر الدم اذا موجود
والامراض الوراثية شنو القصد منها كلهااا ؟؟ ولا محصورين ؟؟
واذا مثلا هو حامل سكر وانا كذلك بحكم الوراثة لكن مو مبين عليناا مايصير نتزوج؟
ولا يقصدون في التحليل عن الامراض الخطيرة بس الي صعب تتعالج وخطرة؟ مثل فقر الدم او امراض عقلية؟ اما سكر وضغط عادي؟
وانا بحكم اني اعاني من مرض صدفية مزمن دايما يسوون لي تحاليل عامة على الصحة
للدم وتعداده والكليسترول والايدز و الزهري والسل و الكلى ..
وهل يفحصون القدرة الانجابية للاطراف او لا؟؟
وانا الحمدلله بفضل الله اموري طيبة من التحاليل الروتينية بس خايفة من تحليل الزواج لان الي عرفته يطلعون من " شجرة العايلة " واحتمال اكون مريضة بامراض متنحية ماتبين ويكون هو مثلي وناس تقول نادر تصير هذي الا اذا من الاقارب وهو مايقرب لي شي.