السلام عليكم
مشكلتي أظن واضحه من العنوان بس بعد بقولها ..
وصلت عمر 27 سنه تمام وآنه بنت وعند العرب معروف أن البنت هالعمر أوردي عندها يهال بسن المدرسة ..
بس آنه رافضه الزواج وأفكر بنفسي ومستقبلي بس وما أجوف من طموحي أن أتزوج وأييب يهاال وأمي بس تحن على راسي تبيني أتزوج وآنه عيزت وأقول لها إن آنه رافضه الزواج وما تييب الموضوع مره ثانيه
قسم بالله لاعت جبدي من هالموضوع وهالشي بدا يضايقني وقلت لها إن الشي يضايق بس مشكلتها ما تسمع لي ..
آنه فاهمه أن كل أم تبي تجوف أحفادها ولكن آنه مب الوحيدة وعندي 4 خوات غيري يبون يأسسون عائلة وتقول وين بتعيشين أقول لها بروحي عادي وتقوم تتهاوش وياي وتقول خواتج كلهم بيتزوجون ويبون إلا أنتي محسستني مسوية شي غلط وخاصه إن آنه أعتمادية على نفسي وماحب أحد يشاركني تفاصيل حياتي العادية وما أجوف نفسي متزوجة والله نفسيتي تتعب من هالشي والمشكلة تعرف إن نفسيتي تتعب من الموضوع بس بعد تحن علي ومابي أدعي أن يصيدني العقم عشان بس ما تحن علي ولكن تفكيرها يخلي هالشي غصب عني إن أبي الشي يصير لي والله أفضل أن أشغل 24 ساعة ولا أتم وياهم بسبب هالموضوع إلا ذابحيني فيه ماعرف شاسوي وياها صراحة
وبنفس الوقت مابي يكون همها الوحيد أن أتزوج عادي إن ما جفت ردود أهم شي أطلع إلا بقلبي وشكرا