الفاضله / مشكلتي

وعليكم السلام

انا ماني فاهمه وش الحكاية بالضبط
خاصه هذا الاقتباس
كيف تكبر في احلامها يعني لو ماتمنيتي لها تكبر ماتكبر
والله انا شدني ذا السطر العجيب

بخصوص الصداقه
انا اشوف الصداقه مثل الحروب الجاهلية
وش ذا الخوف من الخساره بالله
واعتب بحيث ما اخليها تنفر !!
يعني لو نفرة وش يصير وهل في عتاب ينفر
يعني انتي شايله في قلبك ، عتابك لها نص وفيه بهارات عشان ماتنفر
ذا مو عتاب

والله صداقه من هذه النوع فيها تعب نفسي معليش
اذا انا مو ماخذه راحتي حتى في عتابي الله لاجابها من صداقه
انا المفروض اعاتب وانا شايله فكرة تفر وتنفر
اسمه عتاب اجل غزل مثلاً

ليه انتي تحاسبي ع مشاعرها بشكل مبالغ
وهي ماتحاسب

صداقه وفيها تعب نفسي عليك انهيها وريحي راسك

وطالما هي متجاهلتك تجاهليها محد احسن من احد
اذا بغتك تواصلت معك واذا مابغت طنشتك
هي تعطيك ردت فعل وانتي وش قومك ماتعطيني ردت فعل

الصداقه هذه مؤذيه انصحك تخلصي منها


تقبلي ردي وعبق وردي مع خالص احترامي لسموك
آسيرة حرف