بسم الله أبدأ
::
::
انا ابشرك تبنا من الغي واهل الغي
ولا عاد ادوّر منهج الغي و دروبه
تعبنا و حر الشمس لابد عقبه في
و رايات مكسوبه و رايات مسلوبه
انا عقب بعض الناس لا ميت ولاني حي
و نفسي على جور المقفين مصلوبه
ادفلج مع العالم تقل ناسي ٍ لي شي
و كبدي عليها جمرة الحزن مشبوبه
اي والله حزين وكل مالي وحالي سي
و راسي تناصف شيب ما ناش مطلوبه
دياجي الليالي السود عيّت تورّث ضي
على الساهر المسكين ماهيب محسوبه
نطوّيك يا ذكرى ولا فاد كثر الطي
مدام انها في القلب حيّه و مكتوبه
بو نوره