وعلى بالك ما عندهم خبر عن طولك
وشكلك !
معروف مافي احد يتقدم لاي بنت
الا لما يعرف عنها اهم الاشياء اللي يطلبها
لذلك تطمني وتوكلي على الله والمهم استخيري
وادعي الله يرزقك بالزوج اللي يسعدك وتسعدينه
والمهم يكون محافظ على صلاته وبار بوالديه
بالنسبة لجمال المشاهير واللي تشوفينهم
اظن ما يخفى عليك السر !
جمال صناعي وجمال فلاتر
ثم ترا مو الجمال كل شيء
واكثر اللي يفشلوا بحياتهم الزوجيه الجميلات
إما لانها مغروره او محسوده او اخلاقها صفر
لذلك خليك واثقة من نفسك وبلاش مقارنات
لان راح تتعبين وما راح تستفيدين اي شي
ولان الله ما خلق احد يشبه الثاني بكل شي
ولولا الاختلاف ما تم الاتفاق
نصيحه ابتعدي تماما عن المقارنات
ما دمر النفسيات والبيوت الا المقارنات
كوني ذاتك .. تعرفين وش يعني !
يعني اعتزي بنفسك وبشكلك وبحياتك
والنَّاس ما تشوف اللي ماعندها ثقة
لذلك ناظري الايجابيات اللي فيك
واتركي النظر لغيرك
لان لكل انسان وضعه وظروفه وطريقته
كوني واثقة من نفسك وعيشي حياتك الطبيعية
ولعلمك بنات " اقزام " تزوجوا وخلفوا وعاشوا حياتهم
والجيل الحالي اغلبهم كذا " قصيرات "
ولكن عمر الشكل سواء طول او قصر او غيره
عمره ما كان عائق عن الزواج ابداً
وبالتوفيق
تقديري