08-09-21, 03:28 AM
|
#7 |
| | 
اتفق مع النايفه ..باستثناء الشتائم المشفرة ههههههههه
اذكر مره في قسم مشكلتي
جت وحده تتكلم عن بعض الصفات الغريبه التي يقوم بها زوجها
طبعا حسب خبرتي البسيطه .. عرفت ان زوجها مدمن من كلامها
واعتقد اني اخبرتها بهذا
المهم وبدون ما الت واعجن في الموضوع واكرر الكلام الي انقال
لو جاكم عريس
لا تغترو بالنسب ولا المنصب ولا الفلوس ولا حتى الشكل ... ولابد من السؤال عنه بجديه
ولو بس شميت خبر انه ممكن يتعاطى او يمشي مع شله خربانه
فووووورا لابد من الرفض
لو اكتشفتي ان زوجك يتعاطى
الإنفصال هو الحل ... يمكن تقول طيب لو تصبر عليه وتساعده يبطل .. يمكن كذا افضل ؟
من وجهة نظري لااااااا هذي مخاطره كبيره جدا جدا
والله العظيم ما اقول هذا الكلام من فراغ .. انا عملت فتره في مستشفى الأمل
وتعاملت معاهم بشكل مباشر
وجلست مع اهالي المدمنين .. وشفت شي يشيب الراس منهم
تخيلو زوجه اتصلت علينا تقول لي 4 شهور في البيت بدون كهربه
وزوجها المدمن يستلم راتب ... وكل راتبه ع الإدمان
انتو متخيلين انسانه في زمنا هذا تجلس في البيت 4 شهور بدون كهربه ؟؟؟؟
واحد ثاني هو بنفسه يقولي ذا الكلام .. يقول كنت متعاطي ..
وداخل ع البيت ابي جو رايق وهادي ..وكانت اخته معهم في البيت وعندها طفل صغير يبكي
يقول بكاء الطفل هذا (فصلني) يعني خرجه من المود وجو التعاطي
يقول فأخذت الطفل ورميته من الشباك ( الدور الثاني)
من لطف الله الطفل طاح على كومة رمل وسلمه الله
يا اخوان المدمن خطر كبير على نفسه وعلى كل منهم حوله
ومثل هذي القضايا ليست غريبه عن المدمنين
وتجد احيانا عنده دافع لهذه الجريمه
بسبب تأثر خلايا المخ فهو يرى احيانا اشياء غير موجوده في الواقع
( ممكن يشوف شخص خارج من البيت ) وفي الحقيقه مافي احد
وعلى هذا يبني تفسيرات وتحليلات تدفعه لإرتكاب جريمه
ماذا بقي ...؟
الإدمان هو السبب في مثل هذه الجرائم
وابشركم الآن فيه دراسه جديه من قِبل الجهات الأمنيه لمثل هذه الحوادث والجرائم
التي يقوم بها المتعاطين للمخدرات ... واصحاب الامراض النفسية بسبب المخدرات
شكرا لك اختي النايفه على طرح هذا الموضوع
والله يحمينا جميعا يارب ورحم المتوفيه ويصبر اهلها
|
|
|
|