.
.
جتني من ( أشباه الرجال المناعه)
اللي عن علوم الرجوله مقفين!!
كثر الرمـــل في عصرنا وأتساعه
وإليا كثر مافي الوطــن من مســاكين
وألا فجنوب أفريقيا من مجاعه
مافيهم اللي في ذمتي يترس العين !!
كنهم فسوق الرخــص مثل البضاعه
لاتقلبين مواجع الروح تكفيــــن
حنا فعصرن كل مابه فضــــاعه
ورعــن ويلعب فالخلا مع وراعيــين
شريطهم ماعاد يطرب سماعه
لاصوت لاشعرن ولافيه تلحيــــن
ياعزتي للي تبيهم طمـــــاعه
أشكــــال لكنها بليا مضـــامــين
وياعزتي للي سمينن ذراعــه
ماعاد تجهد به يرقم مزاييــــن
لاجاك أطلقهم تجي به لكاعه
وإذا بغيتي فزعتـــــه قال بعديـــن !!
وإذا قعد عندك ولو ربع ساعه
من هيئته تضرب عليك الشراييــن
ولاراح عنك قام ينقل متاعه
ناوي ( دمشق ) ويتمدح ( فبرليــن)
أنا أشهــد أن ماعاد تنفع شفاعه
في مثل ذولا تنقلب هالموازييـــن
المسأله ماهي ترى بس قنــاعه
المسأله مابه دلال وفناجيـــــن
بعض الرجــال إن ماغسلتي شراعه
لا مـــاتبـــرد حرتك فيه سكيــــن