ً
ً
ان كنتي تقرأين كلامي فركزي معي
الان كم عمرك !
21 سنه .. يعني توك بادية على الدنيا
مو تحقير او تقليل لك ولكن ما عندك تجارب
ولا عندك اي خلفية عميقة عن الحياة
لذلك خليك من التعجيز قبل حلك
يعني بدري على الملل
توكم بادين وش عليه بس الملل
ولكن لازم افهمك على حاجة مهمة
لازم تعرفين بان المتعة في الموجودات معاك
لا تلتفتي للاشياء اللي تفتقدينها مهما كان
لان مافي احد على الارض لقى اللي وده فيه
الدنيا كذا نقص في نقص
لذلك ناظري للاشياء الجميلة في حياتك
انتي متزوجة وغيرك عانس وحالتها حاله ..
انتي مع زوج متفهم وطيب وحنون
وغيرك مع زوج قاسي وعنيد ومهمل
انتي في حياة الف والف وحدة تتمنى
تعيشها .. وانتي ما تدرين عن النعمة
اللي انتي فيها
لذلك ناظري للنعم اللي انتي فيها
وبلاش تناظرين للكماليات
الملل شي طبيعي
حتى وانتي ببيتكم قبل زواجك
كنتي تملين وشي طبيعي
وتمشين وضعك
اش معنى الان صار الملل شي كبير !!
تعوذي من ابليس واحمدي ربك على النعمة
الامر الاخر .. اصنعي بنفسك التجديد
بلاش تنتظري من زوجك يصنعه
غيري لبسك كل يوم .. غيري وضعية سرير النوم
غيري الفرش .. غيري الجو المعتادين عليه
حتى تسريحة شعرك غيريها
التغيير متعة .. صدقيني
لا تنتظري من احد يغير لك جوك
اصنعي جوك بنفسك واسعدي نفسك ومن حولك
اقترحي عليه بكل حب وود تطلعون .. تسافرون نزهة
تعتمرون .. تزورون احد اقاربه .. تلعبون عادي
المهم لا تظنين الحياة كلها تسالي ووناسه
لابد تتعلمين شي اسمه الصبر والتحمل
مسألة الملل من اشياء تافهة ترا تخليك تخسرين
وتفقدين اشياء غيرك يحلمون بربعها مو كلها
احمد ربك على النعمة وانا اخوك
وتذكري بان الشيطان له دور في افكارك
لذلك لا ترخين اذنك لصوت النفس
لانها من الشيطان اللي وده يفرق بينكم
اسال الله ان يوفقكم ويسعدكم ويحفظكم
ِ