منتديات مسك الغلا | al2la.com - عرض مشاركة واحدة

**رايــق** · 11-26-21, 11:49 AM

صباح الخير يارفاق

اليوم الجمعه ترو

شوفوا بتكلم اليوم بصراحه عن نظرتي ليوم الجمعه يوم كنت صغير
الصراحه كان يوم الجمعه بالنسبه لي كئييييب جدا

اول شي كنت اسويه يوم الجمعه اذا قمت من النوم
اروح اشوف الشمس هل شرقت من المغرب او لا

كان عندي معلومه ان يوم القيامه هو يوم الجمعه ..
وبعض المعلومات وان كانت صحيحه المفروض ما تنقال للأطفال
أو اذا انقالت لهم تنقال باسلوب جميل ومحبب ..

بعد ما اتأكد ان الشمس خرجت من المشرق والامور تمام
اروح اشوف الهم الي عندي .. الدروس والواجبات

نصلي الجمعه ونرجع البيت .. اغلب الأيام الغدا يوم الجمعه سمك
كثير من أهل جده غداهم يوم الجمعه سمك .. تقدروا تقولو طقوس عندهم
الى يومنا هذا محلات السمك يكون عليها اقبال كبير يوم الجمعه
كذلك الحبحب او البطيخ يوم الجمعه يعتبر ايضا طقوس اعتقد عند الأغلبيه

المشكله وين ؟

انا ما أحب السمك ولست من عشاقه ههههههههه
ولا أحب الحبحب ولا اتقبل ريحته
الحمد لله نعمه لكن نفسي ما تقبل ريحة الحبحب
وما اقدر أفرض رأيي على العائله .. فأنجبر على هذا الغداء

وفي المساء يبدأ هاجس ( بكره دوام ) يسيطر على تفكيري ويقتل متعتي
ويشعرني بالهم والكآبه
اجلس ادعي على المدرسه ومن اخترع المدرسه

ثم تأتي الوالده الله يمدها بالصحة والعافيه تطلب منا الذهاب للفراش والنوم باكرا
عشان ما نتعبها في القومه الصباح
طبعا في المرة الاولى تقول نامو يالله بكره عندكم دوام

المره الثانيه تجي وفيدها يا سلك يا لي يا خيزرانه
وامي اعرفها زين ... ما تهدد.. بل تنفذ مباشره

طبعا في اغلب الأيام اروح للفراش وانا دموعي على خدودي ههههه

فكان يوم الجمعه بالنسبه لي يوم كئييب والله

المهم .. ما عليكم من الفضفضه الطفوليه الي فوق
يوم الجمعه هو من أعظم الأيام عند الله
اكثروا فيه من الصلاة على النبي صلى الله عليه وسلم

وسلامتكم