*
*
من يمنع الحزن لا يضفي طواريّه ؟
أنا من البارحة واقف على أعصابي
كنت أحسب الوقت والأحلام ورديّه !
ما بين كتبي و شيطنتي و ألعابي
أفكر بعمق و أفكر بسطحيّه
وتتلعثم اليا زعلت بشفتي مابي
حبيب عمري ترى عمري ثوانيّه
تستثقل سنين عمري لحظة اعتابي
فيني من الوجد والحرمان ماريّه
من أول أصحاب عمري لآخر أحبابي
الجرح ماهو يعالج عندي بكيّه !
هو الأنيس الوحيد بوحشة غيابي
تبدد شعور و نور اختلف ضيّه
في عيني وشرهة دموعي على اهدابي
كبرت ، لكن بقت لهفه طفوليّه ؛
تردني شوق لو الحضن هلّا بي !
يوم أفرح و أنتشي بأهزوجة أغنيّه
ويدين أمي ترتب رف دولابي
أقصى طموحات صبح العيد عيديّه..
ومرسّمٍ غترتي و معطّر ثيابي !.
*
*