منتديات مسك الغلا - عرض مشاركة واحدة

**ahmed 22** · 06-28-22, 12:05 AM

روتين

الفعل وقت
والوقت مجرد رقم...
لعين بقت جافة من عقرب اتدفي
بيدور في نفس الفلك ..

عايشة في حياة مصبوغة بذكري مدبوغة
لثواني ملهوفة بتآن من غير حزن ...

اصل القلوب باردة بـ كوفيرته تتغطي
وعاملة مسودة ... بتعد ميت دقة
وفي لحظة تستكفي ..
ترجع تقوم لافة .. في دقيقة تتكفي
أصلا مافيش كفة ..
تعدل ميزان للخوف ..

والخوف ده من بكرة ..
اصل الحياة حرة .. مالهاش قيود وشروط
في وقت تتصنع
وفي وقت تاني من كل قيد .. خلخال تصنع

من غير معاد .. تلاقيها تتزين
تشرب عينيك منها لحتي تفيض
وفي لحظة بتهادن ..
تقبض قلوب لحد ما تسالم ..
تلاقيها تتثاقل وفجأة تتسائل
امتي الجفا بيكون ؟!

نوستالجيا