،.
أحب الصّمت في ظلّ اندفاع النَّفس للتعبير ..!
واشوف ان الفرح خصلة حميدة ، والحزن عورة ..
يكّبرني الهجر ، سنّ ، ويرجّعني الحنين ، صغير ،،!
وآشوف يدين محبوبي ، طّريق ، وضحكته ، نوره ..!!
رفيق الدّرب ، تذكرك اللّيالي الموحشة بالخير
وعينٍ لاتناست ؟ شافتك وسط القمر صورة
وقلبٍ لو يسولف عن " شعوره" فالهوى للغير
تسافه كلّ قلبٍ ما يخون ، وطاهر ، شعوره ..!
لك الله ما ذخرتك عن مدارات العمر ، تقصير
أخافك دون هقوات الشّعور ، ويانع زهوره ..!