راكب اللي لا مشت كنها ماهي حديد
وكن مافيها مكينه يرجك صوتها
لكزس الفين بين القديمه والجديد
وارد اليابان جي اس يزها لونها
من تعلى متنها يجذبه طاري القصيد
ويتحرك هاجسه لا نظر طبلونها
المقاعد جلد واللون للمظهر يزيد
رونق ودقة تفاصيلها يازينها
وجهها يشد الانظار لاجت من بعيد
وان تعدت مابي احد(ن) يجي من دونها
اشهد ان اللي صنعها مجيد وبن مجيد
خالد(ن) ذكره مادام البشر يشرونها
اعشق اللكزس ولا اقنع واطالب بالمزيد
كنها ليلى وكني انا مجنونها