'




اعطيك وجهة نظري وانا كنت متوظفة وظيفتين حكومي وخاص
وجميعها مختلطه مافي شي اسمه قسم (نسائي)

الامر لا يعود الى مدى تقبلك وتحجر نفسك بدائرة محيطها فقط من بني جنسك
لان ممكن كذا ماراح تتقدم مهنياً ..
الان الوضع تغير خلينا نقول بنسبة 85٪
وصار الاختلاط بكل مكان ..

الامر يعود الى مدى (تقبلك وتمسكك برأيك)
بتقول طيب كيف ؟
وظيفتي الحكومية كانت مختلطة وبمستشفى
ومو متقبلة اني ادقها صحبة مع الرجال او بمسمى زمالة عمل
لكن هذا مايعني اني مثلاً احجر نفسي مهنياً ..
ومصاحبه بنات فقط .. الي بيني وبين الموظف حديث مهني اذا احتاج الامر فقط

لدرجة مرا صادفت موظف عند الاصنصير وهو من نفس التيم تبعي
ف انفتح باب الاصنصير هو دخل وانا ترددت ! قلت خلني ادخل بس الاصنصير
وترددي مو تجنب له ك رجل لا لان مستشفى وطبيعي اصادف مراجع ولا موظف ب الاصنصير
بس لان شخصيتة من النوع الي يحب يطق الميانة وماخذ مقلب بجماله
ف سددها ب وجهي قال روان ترا بعص الحيا ماهو بمحله .. طالعت فيه ومارديت


الرسمية ثم الرسمية بمقر المهنة مع الجنس الاخر ..
وتمسكك برايك بحيث هالامر لا يطغى ع تطور مكانك
لان حالياً اصبح سوق العمل (علاقات) لكن بدون تجاوز الحدود

ف وجهة نظري تقول
اذا المكان فيه مستقبلك ومختلط .. خليك رسمي جداً مع الجنس الاخر
لان الامر يعود لمدى تمسكك بدون ماتتاثر ب المحيط الي حولك.