لما نقولوا هذا الشخص حسود تكون فيه دلالات على حسده وسمه وشره الي يحمله في قلبه اتجاه الشخص .....
كلامه معك المبطن بالحقد والحسد ....تتبعه لاخبارك في كل صغيرة وكبيرة حتى يحسدك على الجميل ويتشمت في الموجع ...مراقبته لتصرفاتك....تشويهك أمام الناس والكلام عليك ومن وراك في كلام وأمور غير صحيحه ....نظراته لك تحمل الشر حتى وإن كان يظهرلك العكس ....يتمنى زوال نعمتك..يتوجع لسعادتك وفرحك .....نسأل الله العافيه

اما سلفتك في حالها مسكرة بابها وجابدة نفسها عن كل الناس ومكتفيه بحياتها وظروفها ماتبي تخالط الناس ولا تبي المشاكل ووجع الراس هي في حالها ومش مخليينها في حالها وانتم تتكلموا عليها فما بالك تختلط بيكم انتي وشلتك الي معاك ....
هي تعرفكم كويس لهذا رسمت الحدود واجبرتكم عليها ويادار مادخلك شر ......وزوجها مايشكي منها لانها مريحاته من وجع الرأس أمك قالت أختك قالت زوجة اخوك قالت.... أما بناتها ما احلاهم والبنات نعمه وستر من النار وأكيد تعرفي الحديث الي يتكلم على تربيتهم والاهتمام بيهم يكونوا ستر لك من النار .....ربي يحفظهم لها
وانتي ربي يحفظ لك أبنائك اهتمي بيهم وربيهم كويس لأنهم امانه عندك ولانك أمهم كل شيء بيتعلموه منك ....علميهم الطيبه وحب الخير لناس وصلة الرحم والاكتفاء بنفسك وباللي يخصك فقط ....لاتخليهم يحسدوا أحد لأنه هذه نعمه أعطاها ربي للإنسان ولما نحسدوه معناها نحن نعترضوا على رزق الله ونعمته على الشخص ....والعياذ بالله

مهما كان الإنسان يمثل الخير والطيبه والصفاء في داخله يعلم ربي بقلبه ونفسه كيف هم ....
وفي الحديث أن الله لا ينظر إلى صوركم ولا إلى اموالكم ولكن ينظر إلى قلوبكم واعمالكم