وعليكم السلام ورحمة الله وبركاتة
أولا احب اقولك أن انت أساس المشكلة
* انت بأي سلطة تمد ايدك علي أخوك
وكمان جبت له الشرطة زي أي مجرم
الله يهديك بس .. انت عملت جريمة وبنيت حاجز كبير بينك وبينك وقطعت كل خيوط التفاهم
الأخ الكبير هو اللي بيعرف ازاي يحتوي المشاكل ويكون ملجأ لأخواتة اللي اصغر منه .. يكون حمامة سلام بينه وبين والدية لو غلط عليهم أو تطاول .. مع الأسف انت بمد ايدك فقدت المكانة دي
عموماً .. اخوك يفتقد الثقة بنفسه وشايف أنه قليل بينكم وأنكم مش بتحترموه .. وكمان بتحرموه من حقة زي السيارة اللي الوالد جابهاله وبعد كده اخد مفاتيحها منه ...
انت أبدا معاه .. انسي انك اخوه الكبير .. قوله تعالى نقعد في مكان سوا عايزك في موضوع مهم واقعد واتكلم معاه وخلي اول جملة تقولهاله انسي اني اخوك الكبير اعتبرني صديقك وتعال نفتح مع بعض صفحة جديدة وقبل أي حاجة اعتذر منه انك في يوم من الايام مديت ايدك عليه .. وعرفة انك بتخاف عليه وانك بتحبه وأننا ممكن نكره أفعال الشخص إنما مستحيل نكرهه هو شخصياً .. حاول دائما يكون كلامك إيجابي معاه وبيعطية دفعات ثقة .. وحاول تسمع منه بقدر الإمكان هو محتاج يفضفض وان شاء الله تقدر توصل لقلبه ويكون لك محل جواه
علشان كده بيفرغ شحنات غضب عليكم