الله يرحم والديك ويغفر لهم ويجمعك بهم في الجنه....
مانعرفوك ولا نعرفوا اخواتك ولا نعرفوا ظروفكم وحياتكم ومع من تعيشوا و وين اخوانك من كل هذا لو عندك إخوان ......بما انك قلتي العمر أمامي ومش مستعجله معناها انتي مرتاحه نفسيا....لكن مع هذا ظروفك مانعرفوها ....
ب اعطيك نصيحه بصفه عامه حياتك انتي مسؤوله عليها كل صغيرة وكبيرة في حياتك بترجع عليك انتي بسلب أو بالايجاب....وكل إنسان وظروفه وشخصيته وتفكيره وحياته .....لهذا اختاري أسلوب حياتك بطريقتك انتي أهم شيء بما يرضي الله .....الدعاء هو السلاح صدقيني
أتذكر مرة صار لي ضغط من الأهل على الزواج والشخص مانبيه وما قدرت أتصرف ولا قدرت أقنع أحد مع اني افرض في نفسي في كثير أمور لكن هذا الموضوع عجزت بمعنى الكلمه .....
قعدت يوم كامل اقول في دعاء الاستخارة وما استسلمت ومشت الأمور ومازال ادعي ما استسلمت ابدا ولله الحمد....في آخر لحظه انتهى كل شيء.....الدعاء نعمه انعمها ربي علينا هو يعلم الي في خاطرنا وشنو نتمنوا ونبوا لكن يبينا نتقربوا منه ونطلبوه ونكلموه ب إخلاص وصدق وقلب حاضر في الدعاء وانتي تدعي خليك على يقين بأنه بيستجيب لك بإذنه سبحانه .....وحتى لو الشيء الي طلبتيه ما اعطاه لك معناها منعه لك خير انتي ما تعرفيه ومع مرور الوقت وحتى الزمن تكتشفي بأنه خير أراده ربي لك ....لهذا دائما اطلبي ربي وادعي
اخواتك احترميهم وفي نفس الوقت لا تخلي أحد يطمس شخصيتك أو ينهيها دائما خليك قد المواجهه واعطاء الرأيي
وربي يفتحها عليك حبيبتي ويرزقك الزوج الصالح الي يكون أب وسند واخ ويرزقك ربي كل ما تتمني