{{طريقة الطهي }}
نجيب اعواد الخشب ننقعها شوي بالمي >>هالعملية تخلي الدجاج وقت الطهي مايلزق وينشال بكل سهولة
بعد ماتنشف طبعا ندخل فيها قطع الدجاج ونرصها بهالشكل
نرجع نغطي الصينية بالقصدير وندخلها الفرن
ماتاخد نص ساعه بأذن الله ويلي عندو شواية ممكن يحطهم عليها تطلع لذييذه كمان
هون يبدأ السر
سر نكهة المشاوي بطريقة بسيطة وسهلة
بعد مايستوي الدجاج
نجيب صحن صغير او ورقه قصدير
نضع شوية زيت نحمي فحمه وعلى طول عالزيت بهالطريقة
طبعا رح يطلع دخان بهي اللحظة لازم على طول ترجعو تسكرو القصديرة
وتتركو تتغلغل جوا الشيش حتى يطلع الريحه الشهية تقريبا 7 دقايق خلوها مسكرة >>اهم شي الوصف
للاسف ماقدرت صور الدخان 
وتمتعو بأحلى وازكى نكهه مشاوي بيتوتية
وعفكرة هالطريقة ممكن تستعملوها لكل شي للكباب او الرز متل المندي وغيرو
الصور التعذيبيه بعد مانعمل الصوص لووول 
{{تحضير الغارليك صوص او صلصة التوم }}
هالطريقة سهلة جدا ولا شي يدايق
انا من عشاق التوم >>مين متلي
المقادير
حبة بطاطس مسلوقة مقطعه مربعات
3 او 4 حبات توم
ربع ملعقه ملح
ملعقه كبيرة عصير ليمون
2 ملعقه كبيرة لبن وشوية مي لانو البطاطس تطلع الصوص جامد
على طول عالخلاط
ويطلع معكم هالصوص اللذيذ
شفتو اسهل من هيك
النتيجه النهائيه
طبعا قدمو متل موحابين ممكن مع خضار مشوية او مع رز بخاري
او مع خبز شامي
يارب الموضوع والطبق نال اعجابكم