ليها كتير شاغلة تفكيرى
ليها كتير فــ منامى بتجيلى
بحكيلها عن شوقى وحبى
وهى كمان بردو بتحكيلى
ده فــ بعدها بتخنقنى الوحده
وفــ بعدها بيقتلنى حنينى



وتمر بيا الايام
ويعدى على غيابها سنين
وفــ لحظه تجمعنا الصدفه
وفــ لحظه بتشوفها العين
وأخيرا أهى جايه قصادى
قربت منها وفضلت انادى
وأصرخ بصوت كده مش عادى
بيقول وحشانى وحشانى وحشانى
كتير أوى يا حياتى
ده أنا ياما سهرت أفكر
فــ اللحظه ديه ليلاتى
ياترى أنا كمان وحشتك
ردى يا أجمل حكاياتى



ردت وبصوت مرعوبة
أبعد عنى أنا مخطوبة
أرجوك تنسى اللى ما بينا
اعتبر حبنا ماضى
وبلاش تعيد وتزيد
فــ كلامك كده على الفاضى
ده نصيبى وراضيه بى
وياريت أنت تكون راضى



ردها صدمنى بجد
ساب جرح كبير فــ القلب
خلانى من جوا اتهد
واعتب وألوم على الصدفه
وأكره بسببها الحب
أكره بسببها الحب
أكره بسببها الحب