عم يقولو العيد 3 أيام

عم يقولو أنو رح يمر على كل البلدان..

بس وقت يوصل ل"فلسطين" رح يوقف ع الحدود..
رح يصفن مع حالو ويقول...
كيف بدي فوت ع بلد الأطفال فيو مو لابسين أواعي العيد ؟!!

ولاقي بكل بيت فيه حزن ع شهيد ..

كيف بدي مر على شعب ماضل فيه حدا إلا وخسر انسان غالي عليهن ..

ياترى فيني رجع البسمة اللي صرلها سنتين وشهور وايام ما ارتسمت ع شفاه حدا فيهن ..

كيف بدي ادخل ع شعب ربعه هاجر وربعه استشهد وربعه نازح والربع اللي ضل فيه.... كل يوم عم يموت الف موتة ..

وهيك ضل العيد واقف ع الحدود..
عم يفكر , كمل طريقي بدون ما مر عفلسطين !!؟ ولا مر ؟؟ يمكن اقدر حسن الوضع شوي ..

طيب إذا بدي مر كيف بدي اقطع الحواجز بكل طريق !!
طيب ممكن تأذيني النار اللي عم تشتعل على جوانب كل طريق !!

وهيك ضل العيد محتار ..مع أنو قلبو عم يغلي متل النار ..
كيف كل البلدان رح تعيد ..إلا فلسطييييييييييين عم تستشهد
ياعيد لا تجي هالمرة لحالك !!
لا تخلينا نبكي الدم قبالك !!
جيب معك الأمــــــــــــان وإنت جايه ..
في بقلوبنا ألف حكاية وحكايه ..
لأهلينا ولأولادنا اللي جايه ..
...
ياعيـــــــــــــد والله من القهر تعبنا ..
وقلوبنا من الحزن دابت ودبنا ..
ضعنا بالدنيا وتاهت مراكبنا ..
رجّع معك السعادة لهالبلد ..
بدل الدمعة ضحكة للولد ..

ياعيـــــــــــــــــــــــــــــــــد
هي فلسطين اللي الله حاميها ..
والمسجد الاقصى فيها ..
طل عليها بفرحه لا تسخى فيها ..

يااللــــــــــــــــــــــــــــــــــــــــه
خلي العيد يفرّح هالبلد الحزين ..
خلينا نكّبر تكبيرات العيد ونحنا بعودة الأمــــــــــــــان محتفلين ..
قولوا آمـــــــــــــــــــين ياأرحم الراحميـــــــــــن ..
اللهم آميييييييييين.