جهمت من العيون ولا ضواك الليل غير هناك..
ورا هدف الضلوع تسامـر القمـرا بخفاقـي..
>>>
<<<
تريض لاتعبت من أول الطرقـة إلـى ملفـاك..
متى صبح العيون اللي هدبها يطرف أعماقـي..
>>><<<
هلا ولا هـلا قـد قلتهـا قبلـك لـذاك و ذاك..
أبـأدور كلام مـا سمعتـه وأنثـر أشواقـي..
>>><<<
وأبشعلها قصيد من أول الدنيـا إلـي دنيـاك..
تهب مع الهبوب إلى ندهتك جـذوة أوراقـي..
>>><<<
وأبنظمها قلايد ليـن تقـدح بالسمـا طريـاك..
مادامي شاعرك ليه الظلام يـرف بـأحداقـي..
>>><<<
دريت إنك حبيبي قبل أموتك وأعشقك وأحياك..
وصرت أول طريقي وآخر أحبابـي وعشاقـي..
>>><<<
سمعت أحلى (أحبك) في حياتي كلهـا بشفـاك..
أثر بعض الشفايف همسهـا غيمـة وبراقـي..
>>><<<
تسولف, لا تغني, لا خيال ما لحقـت أقصـاك..
بغيت أستوعبك شح الخيال وضاقـت آفاقـي..
>>><<<
سهى قلبي معاك وفاحـت الدلـة ولا قهـواك..
على صالي حشاي أركي لك الدلـة ولا فاقـي..
>>><<<
سرقته بـالحنان وهرجك الخاثر وشفته جـاك.
فزعت أرد قلبـي وأثرنـي حبيـت سراقـي..
>>><<<
وصلت آخر مداي وقلت لك خلك على مركـاك..
لو إن الموت كاسك بـأشربه يا حضرة الساقي..
>>><<<
توسدت الجراح وكل جرح مـا يطيـب فـداك..
تنهدت الغياب و نبت بيـن إيديـك مشراقـي..
>>><<<
تعذر لليالي لي غـدا ورد الطريـق أشـواك..
ترى كل الدروب اللي مشينا ما ثنـت ساقـي..
>>><<<
لو إنه ما بقى عندي بـهالدنيا يا كود أهـواك..
لا أقول إني خذيت اللي خذيت ولا بقـى باقـي م / ن