منتديات مسك الغلا | al2la.com - عرض مشاركة واحدة - يقولون الغلا ميت ... وأنا أقول الغلا مـ مات

**عاشق عيونك** · 11-27-14, 06:49 PM

أنا لاجيت آبنسي صاحبي وأنسى زمان فات
يذكرني طلوع الشمـس ما حاولت نسيانه

يذكرني الغلا والشوق والنظرات والبسمات
مصيبه كيف آبنسـى اللـي وسـط دمـي وشريانـه

يقولون الغلا ميت .. وانا اقول الغلا مـ مات
ياكيف يموت وعروق الغلا بشوق رويانه

يموت اللي عشق مثلي وترسخ داخله عبرات
ولاينسى عـشيق ترجح الكفه بميزانه

حقيقه ترسخ الذكرى وتبقى داخل الصفحات
ما دام ان الوفاء من طبعها والشوق عنوانه

ألا ياوقت يكفي ماحصل من لوعـه الصدمات
دخيلك يازمن لا يغرق المركب وربانه

انا عايش علي سلك الامل حزه ورى حزات
عسى الله ما يخيب من دعى الله عند بيبانه

ألا ياهل الهوى مايذبح العاشق سوى الصدات
يموت العاشق المغرم على نظره من أعيانه

تخيل عقب هجرانه تجيبه ساعة الصدفات
لاجاء من شان نظرت عينك ولاجيت من شانه

جريمه واضحه بس انت ما تملك دليل اثبات
و لا تملك سوى دمعة حزن من عين سهرانه

عسى إللي يلحق العاشق ملامه تلحقه لوعات
يطـيح بحب ناس مايعين عندهم خانه

ويبلش بلشة اللي حارت أقدامه على الوقفات
ولا منه بغي حلو الكرا ياتيه وجدانه

وانا لاجيت آبنسى صاحبي وانسى زمان فات
يقول القلب لا تنسى ربيع الحال وأغصانـه

http://www.************/watch?v=8hly3bNlvyc

.