بكتب آلام قلبي
في سطوري بالمعاني
واكتبه في دفتر الشوق
بالتفاصيل الممله
وانشره في سما حبك
وأقول إنك أناني
وارسمك ماضي بقلبي .
وارسم جروحك مذله
ما أصدق يوم قالوا
في حياته شخص ثاني
وأتساءل بين نفسي
هل يخون الخل خله؟
خانني خلي وجاوب
للسؤال اللي حواني
وانصدم قلبي بحبه
وانذهل باللي حصله
بعد ما كان حبه
عايشٍ فيني نساني
بعد ما كان حبه
حاجزٍ فيني محله
بعد ما كان شامخ
تهدم في ثواني
وانتهى عصره وولى
زمان الحب كله
ولى زمانه
يوم قلبه مع أوراقه طواني
وأحرق أوراقه وقفى
لجل ما قول خله
بقلمـــــــــــــــــي