وجيت استأذن الذكرى
بعد إذن الغلاو العمر والعشره
أنا أستاذن معاد لجلستي داعي
ورحت ارتب شناط الحزن
واجمّع اشيائي
بقايانا
صفار اوراقنا
علبة رسايلنا
هدايا العيد
عزانا , هذي الدنيا تحب تبعد الغالين
خوّي العمر !
ماأسلى مع غيرك
تخيل ؟ ماهمل غيث الفرح مره على روحي
من آخر يوم شفتك فيه !
ولانامت عصافير الأمل في عش عمري
من تفارقنا
وكيف اسلى مع غيرك ؟
ومن غيرك يحس الحزن في عيني
وانا تجتاحني البسمه ؟
منو غيرك يعرف اللي افكر فيه قبل احكيه ؟